- Auglýsing -
Björn Birgisson þjóðfélagsrýnir bendir á það á Facebook síðu sinni að súkkulaðihúðaðar rúsínur hafi skyndilega hækkað um ríflega tíu prósent. Rúsínur sem kostuðu 589 krónur fyrir nokkrum dögum kosta nú 649 krónur.
Björn skrifar: „Það þarf að fylgjast með verðlaginu!
Það er til lítils að fá einhverjar launahækkanir ef þær hækka jafnóðum allt sem keypt er!
Það er að renna upp fyrir öllum landsmönnum, sem á annað borð geta hugsað, að ekkert hérlendis er dýrkeyptara fyrir almenning en hin íslenska króna!
Fyrir vikið er Ísland draumaland okrara og svindlara. Myndin sýnir 60 króna hækkun (10,2%) á súkkulaðihúðum rúsínum frá Góu sem búið er að lauma inn á markaðinn. Verð í Nettó í Grindavík.“
