Fyrsta ljósmyndin af Lady Gaga í framhaldsmyndinni um Jókerinn hefur nú litið dagsins ljós. Sýnir hún Gaga og Joaquin Phoenix horfast stíft í augu í hlutverkum sínum.
Kvikmyndin mun heita Joker: Folie À Deux, en hún fylgir eftir hinni gríðarlega vinsælu Joker sem kom út fyrir sléttum fimm árum. Það var leikstjóri framhaldsmyndarinnar, Todd Phillips sem deildi ljósmyndinni á Instagram og skrifar við hana í tilefni dagsins í gær: „Gleðilegan Valentínusardag.“
Á myndinni sést aflituð Gaga starandi af ákefð í augu Jókersins sjálfs, sem leikinn er af Joaquin Phoenix, sem mætir aftur í hlutverk hiðs sturlaða illmenni í DC-myndasögunni um Batman. Gaga er með rauða andlitsmálningu klessa á vörum hennar og nef en virðist málningin koma frá Jókernum, sem er eðli málsins samkvæmt, málaður eins og trúður. Phoenix sést stara af sömu ákefð til baka á Gaga en þó af meiri aðdáun en sjokki, líkt og lesa má úr augum sönkonunnar.
Ljósmynd: Instagram-skjáskot
Gaga mun leika samsærismann og elskhuga Jókersins, Harley Quinn, sálfræðing hans á hælinu sem fellur fyrir honum.