Björk Eiðsdóttir, blaðamaður á Fréttablaðinu, er með áratugareynslu og hefur í gegnum tíðina tekið fjölmörg frábær viðtöl. Þessa helgina er stórleikarinn og sjómaðurinn, Þröstur Leó Gunnarsson frá Bíldudal, í forsíðuviðtali um feril sinn og kvíða sem meðal annars á sér rætur í hörmulegu sjóslysi þar sem hann komst af. Í sama blaði og viðtalið birtist lætur blaðamaðurinn í ljós ákveðna fordóma gagnvart sjómönnum, Vestfirðingum og eldra fólki.
„Við vinnslu forsíðuviðtals þessa tölublaðs, við leikarann Þröst Leó Gunnarsson, vakti það athygli blaðamanns að 61 árs karlmaður að vestan væri til í að tala um tilfinningar. Það þótti henni hressandi nýbreytni: Sjómaður að vestan sem getur sagt frá erfiðum tilfinningum eins og kvíða …,“ skrifar hún.
Flestir sem til þekkja vita að sjómenn eru eins og hvert annað venjulegt fólk. Þeir glíma við sömu sorgir og gleði og miðaldra blaðamenn, rafvirkjar og fóstrur svo dæmi, séu tekin …