- Auglýsing -
Ekki er talið að andlát manns í Þingholtunum sem lögreglan á höfuðborgarsvæðinu fékk tilkynningu um snemma í gærmorgun hafi borið að með þeim hætti að grunur leiki á um refsiverða háttsemi. Kemur þetta fram í tilkynningu lögreglunnar.
Lögreglan hefur rannsakað málið frá því að það kom upp en mennirnir tveir sem voru handteknir á vettvangi hafa nú verið yfirheyrðir og er það mat lögreglu að þeir hafi ekki átt þátt í dauða mannsins. Hefur þeim verið sleppt úr haldi.