Gömlu útrásarvíkingarnir, með Jón Ásgeir Jóhannesson í fararbroddi, eru orðnir umsvifamiklir í íslensku viðskiptalífi á ný. Fólki er í fersku minni að við hrunið voru það vafningar útrásarvíkinganna sem höfðu dómínóáhrif sem enduðu með þeim ósköpum að íslensku bankarnir féllu með brauki og bramli og hrikalegum afleiðingum fyrir þjóðina.
Jón Ásgeir er kominn til áhrifa í gegnum olíufélagið Skeljung, sem yfirtekinn var með gamalkunnum aðferðum sem snúast um sölu eigna og skuldsetta yfirtöku. Í gegnum það félag hefur hann síðan fjárfest í öðrum félögum. Þannig hefur orðið til vafningur sem gefur honum fótfestu á ný. Þetta óttast sumir að geti meðal annars verið undanfarinn að ákveðnu hruni. Aðrir benda á á að umsvifin er miklu minni en gerðist á þeim tímum þegar Baugur og FL-group féllu og drógu með sér Íslandsbanka í leiðinni þar sem auðmaðurinn og samstarfsmaður Jóns Ásgeirs, Þorsteinn Már Baldvinsson, forstjóri Samherja, sat við stjórnvölinn …