Páll Vilhjálmsson, sögukennari við Fjölbrautarskólann í Garðabæ, á yfir höfði sér fleiri lögsóknir eftir að hann var dæmdur til að greiða Þórði Snæ Júlíussyni ritstjóra og Arnari Þór Ingólfssyni, blaðamanni háar fjárhæðir eftir að hafa lýst þeim sem glæpamönnum á bloggi sínu og Morgunblaðsins og sagt þá vera meðseka í svokölluðu byrlunarmáli. Í undirrétti þótti hann hafa sett fram klár meiðyrði og Páll var dæmdur til að greiað háar fjárhæðir.
Nú hefur Aðalsteinn Kjartansson, blaðamaður á Heimildinni, krafið Pál um milljón krónur og afsökunarbeiðini eða sæta annars lögsókn. Páll, sem bloggar í skjóli Morgunblaðsins, ber sig aumlega í nýrri bloggfærslu sem ber fyrirsögnina Fjárkúgun Aðalsteins. „Í kröfubréfi Aðalsteins eru kostirnir skýrir. Ein milljón og afsökunarbeiðni annars verður bloggara stefnt fyrir dóm. Blaðamenn kunnugir byrlun og þjófnaði víla auðvitað ekki fyrir sér fjárkúgun. Milljón króna spurningin er hvort tilfallandi kaupi sig frá frekari vandræðum og éti orð sín í ofanálag …,“ skrifar Páll og sakar Aðalstein um fjárkúgun gegn sér ofan á allt annað.
Foreldrar og nemendur Fjölbrautarskólans höfðu áður lýst óánægju með skrif Páls sögukennari og krafist þess að hann yrði látinn fara. Kristinn Þorsteinsson skólameistari hefur hafnað því en sett lauslega ofan í við sögukennara sinn. Hann er sverð og skjöldur Páls …