Andrés Magnússon, yfirmaður minningargreina Morgunblaðins, skrifar uppsláttarfrétt um fall Fréttablaðsins í blað sitt í dag. Þar reifar hann þau almæltu tíðindi að yfirvofandi gjaldþrot Torgs kosti 100 manns vinnuna. Farið í saumana á því að Helgi Magnússon, aðaleigandi Torgs, hafi innheimt hluta af skuldum félagsins með því að kaupa útgáfurétt út úr Torgi undir merki Fjölmiðlatorgs. Þar er væntanlega vísað til fréttavefs DV og Hringbrautar. Dylgjað er um það í fréttinni að greiða skuli virðisaukaskatt í byrjun mánaðarins og óljóst hvort við það verði staðið. Lesa má út úr þessu pönki Andrésar Þórðargleði en minna er um þá greiningu að örlögin felast í almennum vanda fjölmiðla.
Mogginn gerir aftur á móti ekkert með þá kollsteypu að útgáfa þess, Árvakur, fékk milljarða afskrifaða þegar félagið fór í þrot á sínum tíma. Undanfarin ár hefur Guðbjörg Matthíasdóttir, auðkona og eigandi Ísfélagsins í Vestmannaeyjum, haldið Mogganum á floti með stöðugum framlögum. Lestur Moggans hefur hrunið á undanförnum árum líkt og gerðist hjá Fréttablaðinu og mál ólíklegt teljast að prentútgáfa þess haldi velli að óbreyttu …