- Auglýsing -
Lögreglunni barst í gærkvöldi tilkynning um mann sem var að plokka strikamerki af vörum í verslun. Uppátækið var hið furðulegasta og er hann grunaður um eignaspjöll á vörum úr versluninni. Ósáttur ferðamaður fór á lögreglustöð og tilkynnti um fjársvik. Taldi ferðamaðurinn að búið væri að taka eina og hálfa milljón króna út af reikningi sínum.
Þá urðu glöggir lögreglumenn varir við sölu fíkniefna. Báðir aðilarnir voru grunaðir um vörslu fíkniefna og handtók lögregla sölumanninn. Sá var vistaður í fangaklefa en hann er einnig grunaður um að dvelja ólöglega í landinu. Síðar um kvöldið sinnti lögregla reglubundnu umferðareftirliti og stöðvaði þrjá ökumenn sem grunaðir eru um akstur undir áhrifum áfengis eða fíkniefna.