Kristinn Hrafnsson bendir á ritskoðun YouTube á myndefni tengdu Julian Assange.
Ritstjóri Wikileaks, Kristinn Hrafnsson skrifaði færslu á Facebook nýverið þar sem hann segir frá ritskoðun á efni YouTube-stjörnu um mál Julian Assange, fyrrum ritstjóra Wikileaks. Er færslan framhald á öðrum færslum Kristins um þöggun fjölmiðla og ritskoðunar Facebook undanfarið á greinum Seymour Hersh um Nord Stream hryðjuverkið og meinta spillingu Úkraínumanna.
„Ein leið ritskoðunar er að hefta útbreiðslu efnis á veitum risa á netinu. Youtube stjarna var að fá mikið áhorf á aðgengilegt upplýsingamyndband um málefni Assange þegar allt í einu var skellt aldurstakmarki á það, án skýringa og aðgengið takmarkað. Áhorfið féll úr nokkur hundruð þúsund á liðnum dögum í næstum núll,“ skrifaði Kristinn og birti eftirfarandi skjáskot.
