Jón Gnarr er margt til lista lagt, svo vægt sé til orða tekið. Hann hefur skrifað bækur, samið leikrit, samið sketsa fyrir gamanþætti og margt fleira. Og nú er hann að gera torfþak.
„ég er að gera torfþak í fyrsta sinn. ætla að leggja torfið á sökkuldúk sem ég breiði yfir þakið. ætla ekki að leggja tvöfalt lag heldur smyr ég dúkinn með blöndu af pappamassa og hænsnaskít og legg svo þökurnar yfir það. pappírinn límir sig fastan,“ skrifaði Gnarr á Twitter. Hallgrímur nokkur leyfði Jóni að smakka á eigin meðali með algjöru bullsvari, í anda Fóstbræðra:
„Mundu bara að hafa dúkinn 15×45 á þverveginn og það brettist ekki upp á hann rangsælis út við mænirinn,annars forskalast hann og stífnar upp við mebrurnar. Notar þú ekki örugglega knekkti þegar þú lætur hann trosna? Ég get kíkt á þetta öðruhvoru megin við mánaðarmótin ef þú vilt.“