Einhver reynslumesti fréttamaður landsins, Elín Hirst, hefur starfað sem fréttastjóri á Ríkisútvarpinu og Stöð 2 í gegnum árin. Elín átti góða spretti á Hringbraut sálugu þar sem hún stjórnaði um tíma sjónvarpsfréttum. Elín sótti um sumarstarf hjá Ríkisútvarpinu nokkru áður en Hringbraut fór í þrot. Einhver hefði talið að fréttastofu ríkisins hefði þótt fengur að slíkum reynslubolta. Elín var kölluð í viðtal en fékk síðan bréf um að hún fengi ekki ráðningu. Hún óskaði eftir rökstuðningi og fékk þau svör að ekki vantaði starfsmann í erlendar fréttir. Niðurlæging fyrir reynsluboltann.
Ráðningamál hjá fréttastofunni eru mikið til umræðu þessa dagana eftir að fullyrt var að Heiðar Örn Sigurfinnsson fréttastjóri hefði einhliða og án auglýsingar ráðið Valgerði Þorsteinsdóttur skriftu til að verða fréttamaður á Akureyri. Stefán Eiríksson, sá annars skeleggi útvarpsstjóri, hefur fengið sendar skriflegar spurningar frá Mannlífi vegna þess máls en svarar engu efnislega um málið …