- Auglýsing -
Kolbeinn Óttarsson Proppé, fyrrverandi þingmaður Vinstri grænna, gerir það gott á Siglufirði eftir að hann hrökklaðist úr stjórnmálum vegna óljósra sakargifta um að hafa stigið yfir mörk kvenna fyrir margt löngu. Hann hafði í tvígang gefið kost á sér í prófkjör flokksins þegar hann hætti við og flutti norður þegar góða fólkið sýndi honum rauða spjaldið og boðaði slaufun. Hann gekkst við því að hafa hagað sér ósæmilega og tók hatt sinn og staf. Á Siglufirði hefur hann starfað sem fjölmiðlamaður, unnið gott starf með björgunarsveitinni á staðnum, auk þess að stunda nám í skipstjórn af elju og dugnaði.
Hann upplýsir á Facebook að nú hafi hann náð þeim áfanga að mega stjórna fiskiskipum, allt að 15 metrum. Hann upplýsir að hann sé þar með orðinn Kolbeinn kapteinn og þannig fullfær um að fara til strandveiða eða stjórna nýja björgunarskipinu á Siglufirði …