Margir eru súrir vegna þess að Diljá Pétursdóttir, keppandi Íslands, náði ekki inn í aðalkeppnina og var send heim áður en stórta stundin rann upp. Flestir eru sammála því að Diljá gerði sitt besta en einhverjir staldra við þá sem stýrðu framlagi Íslands og fjörinu ytra. Sá glaðbeitti Siggi Gunnars gerði sitt besta til að hafa sjálfan sig í sviðsljósinu í fjöldanum af uppákomum sem Ríkissjónvarpið birti. Þetta kom hvað best fram í þáttunum Beðmál í Bítlaborginni þar sem Siggi setti sjálfan sig í aðalhlutverk og flaggaði svo öðrum frægðarmennum frá Ríkisútvarpinu. Stefán Eiríksson útvarpsstjóri var af einhverjum undarlegum ástæðum mættur og fékk sitt innslag auk þess að Felix Bergssyni og Rúnari Frey Gíslasyni var flaggað í þáttunum. Diljá, sem hefði átt að vera aðalnúmerið, var troðið í Liverpooltreyju og í einhverjum stórundarlegum tilgangi var henni ýtt inn á bar þar sem aðdáendur Liverpool voru samankomnir og henni skipað að syngja. Niðurlæging blasti við og hirðin skemmti sér vel.
Það er nærtækt að skoða hvað fór úrskeiðis við að markaðssetja keppandann og tryggja sem best brautargengi. Álitsgjafinn Jóhann Þorvarðarson er ekki í vafa um að það þurfi að stokka upp það lið sem er í kringum keppnina og fá nýtt fólk til að stjórna. Hann segir „tímabært að horfa út fyrir 101 Reykjavík í leit að nýjum þáttastjórnanda og öðru fólki sem tekur lykilákvarðanir“….