Þóru Dungal minnst: „Ég er alltaf í mol­um þegar fíkn­in tek­ur í burtu fal­leg­ar, góðar sál­ir“

Þóra Dungal, fyrrverandi leikkona, er látin aðeins 47 ára að aldri. Hún lést vegna fíknisjúkdóms. Þóra var á árum áður fyr­ir­sæta og lagði seinna fyrir sig kvik­mynda­leik. Hún lék Stellu í kvikmyndinni Blossa lék.

Þóra lætur eftir sig tvær dætur. Vinir hennar minnast hennar á Facebook. Þeirra á meðal er Jóhann Sigmarsson leikstjóri. „Hún elsku Þóra mín Dungal er fall­in frá. Það var alltaf mjög góður vin­skap­ur á milli okk­ar. Hún var nátt­úruta­lent af Guðs náð, svo skemmti­leg sem mann­eskja og hjart­hlý var. Ég á ótrú­lega góðar minn­ing­ar og fal­leg­ar um hana. Aðstand­end­um henn­ar votta ég mína dýpstu samúð. Far­vel fugl­inn minn,“ skrifar Jóhann.

Rósa Guðmundsdóttir framleiðandi minnist hennar einnig með fallegum hætti. Þær kynntust fyrir 20 árum.

„Við kynnt­umst þegar ég var nýorðin edrú á Íslandi, og hún vildi sann­ar­lega vera það líka. Það var alltaf bar­átta fyr­ir hana. Ég vil bara heiðra minn­ingu henn­ar. Hún elskaði fjöl­skyld­una sína meira en allt annað. Hún læt­ur eft­ir sig tvær fal­leg­ar dæt­ur. Ég er alltaf í mol­um þegar fíkn­in tek­ur í burtu fal­leg­ar, góðar sál­ir …,“ skrif­ar Rósa á Face­book-síðu sinni.