Samfylkingin áfram stærst – VG hefur tapað helmingi af fylgi sínu

Sam­an­lagt fylgi rík­is­stjórn­ar­flokk­anna hef­ur ekki mælst minna en nú; stuðningurinn er nú 35,2%, en þetta kemur fram í niður­stöðu könn­un­ar Maskínu á fylgi flokka á Alþingi.

Sjálf­stæðis­flokk­ur er mældur með 19,2% fylgi; fékk 24,4% greiddra at­kvæða í síðustu Alþing­is­kosn­ing­um; tap­ar þannig 5,2%.

Fram­sókn­ mæl­ist með 10% fylgi; fékk 17,3% greiddra at­kvæða í síðustu kosn­ing­um; tap­ar 7,3%.

VG mæl­ist með 6,1% fylgi; fékk 12,6% greiddra at­kvæða í síðustu kosn­ing­um; tap­ar 6,5%; helm­ing af fylgi sínu.

Sam­fylk­ing­in er stærsti stjórn­mála­flokk­ur lands­ins samkvæmt könn­un Maskínu; Fylgi Samfylkingarinnar hef­ur auk­ist mjög mikið síðan í Alþing­is­kosn­ing­un­um árið 2021; þá fékk flokk­ur­inn 9,9% greiddra at­kvæða.

Fylgi Samfylkingarinnar hef­ur vaxið jafnt og þétt. Í mars síðastliðnum mæld­ist Sam­fylk­ing­in með 24,4% fylgi; í apríl 25,7% – nú með 27,3% fylgi.

Pírat­ar mæl­ast með 11% fylgi; Viðreisn með 9,1% – Miðflokk­ur­inn með 6,4% – flokk­ur fólks­ins með 5,6% og þá er Sósí­al­ista­flokk­ur­inn með 5,2% fylgi.

Könn­un­ þessi var gerð dag­ana 4. til 16. maí; 1.726 svar­end­ur tóku af­stöðu.