Á sama tíma og seðlabankastjóri talar um að almenningur verði að kaupa ódýrari mat, hætta að ferðast og framkvæma stendur hann í ströngu. Hann stendur í því að innrétta seðlabankann fyrir hundruð milljóna með listaverkum og hönnunarvörum. Hann stendur í ströngu heima fyrir heyrði ég líka með dýrar framkvæmdir. Landsbankinn byggir fílabeinsturn samhliða því að fjármagnseigendur, hluthafar banka, verða bara ríkari og ríkari. Vextir hækka og þenslan eykst og samhliða því er tekin ákvörðun um að senda milljarða í stríð út í heimi og almenningur er ekki spurður. Almenningur er ekki spurður út í fjárfestingar fyrir milljarða á vitavonlausum “bóluefnum” við mjög svæsinni flensu sem svo reyndar þynntist út í eitthvað sem er vart greinanlegt. Aukinn skuldsetning heimila millistéttarinnar er næsta skref í átt að fullri stjórn hinna fáu.
Þessir fáu stjórna verkafólki nú þegar, verkafólkið á ekki fokking séns og nú á að taka miðstigið og skuldsetja liðið upp í rjáfur, hirða af þeim eignir og þrælahaldið hefst, eða einna heldur breikkar. Í heimi sem sífellt verður sjálfvirkari er fólksfækkun einnig nauðsynleg frá sjónarhorni hinna fáu. Aðgerðir hvað það varðar eru hafnar meðal annars með efna eitrun i formi bólusetninga, einnig er átt við hormónakerfið með eitruðu og óheilnæmu fæði, hraður lífsstíll er kynntur og allt er on the go.
Samfélagsmiðlar eru kynntir til leiks í þeim tilgangi að skerða athyglisgetu sem svo elur af sér aukið meðvitundarleysi. Fíkn í dópamín og síaukin streita étur upp samkenndarboðefnin og tengslarof á sér stað. Fyrst í stórum radíus en smátt og smátt eru fjölskyldur slitnar í sundur. Fólk hættir tengjast sviði fjölskyldulífs og barneigna og hvatir og langanir taka við. Kynami er kynntur til leiks í pallíettum og sellófan og það passar einstaklega vel hvað fólksfækkun varðar, við erum allt of mörg og uppihaldið er hinum fáu allt of dýrt og óskilvirkt. Geðfráviksgreiningar eru kynntar hægt og rólega og telja þær mörg hundruð eins og er, meira að segja sorg er skilgreind sem geðfrávik út í heimi. Yfir 60 þúsund taka reglulega SSRI lyf á Íslandi í örvæntingarfullri tilraun til að vera ekki svona fokking down. Þriðjungur barna og fullorðna eru greind af akademísku lyfja mafíunni með ADHD sem svo í flestum tilfellum er meðhöndlað með smáskömmtum af spítti, aukaverkanir eru svo meðhöndlaðar með svefn og kvíðalyfjum, þegar það svo hættir að virka eftir áralangar tilraunir með hin og þessi lyf og skammtastærðir eru líffærin farin að gefa sig ásamt því að kvíðinn og svefnleysið tekur yfir og keyrir “sjúklinginn” í geðrof sem svo er fryst með hjálp napalm geðrofslyfja. Þetta er allt svo frábært og geðheilbrigðis vísindin eru svo frábær og gjafmild á þekkingu sína, lengi lifi geðlyfjabatteriið.
Ég er ekki einu sinni farin að tala um Fenta, Oxy og Conta sem drepa það sem jafngildir fjölda tveggja fokker flugvéla á ári og það skal verið tekið fram að sá elsti á þessu ári er Jónas Oddur vinur minn sem skilur eftir sig tvítugan son, móður, kærustu og systkin. Hann var aðeins 46 ára þegar hann bara sofnaði af stimpluðu ópíum. Það er öllum drull um Jónas Odd, hann var hvort eð er bara vesen og dýr í rekstri fyrir hina fáu svo burt með hann, check.
Þetta er allt svo frábært og það er svo mikilvægt að kjósa rétt, og hvað á ég að kjósa? Nákvæmlega ekki neitt því maðurinn er ekki tilbúin í raunverulegt lýðræði, þegar hann verður það loksins verður þörfin í lýðræði ekkert lengur til staðar. Við getum leyst upp lögreglu, lögmenn, alþingisfólk, og herdeildir, við getum hætt að fara í stríð við stórhættulega einræðisherra sem eru hengdir í kjöllurum án dóms og laga svo hent í sjóinn.
Svo ekki kjósa, kjóstu það, að kjósa ekki.
En annars er mikill hressleiki, fram undan er hið árleg 6 vikna sumar sem svo er leyst af með motherfokking crazy haustlægðum. Enn þessi frábæri dagur sem alltaf kemur á sumrin, einn dagur sem allir muna eftir, badminton i garðinum, grillað í kvöldsól og smá brenndur á öxlunum. Þessi dagur knýr fram stokkhólmheilkennið sem dregur mig í þráhyggjuna um að þetta er nú ekki svo slæmt og kannski er seðlabankastjórinn og litla strengjabrúðan og bakari svakari ekki svo slæm eftir allt saman.
Nú er vatnið orðið kalt í baðkarinu og ég ætla að þvo á mér hárið því ég ætla þvert á ráðleggingar seðlabankastjóra að spandera í klippingu í fyrramálið því þegar öllu er á botninn hvolft þá getur maður allavega litið vel út meðan heimurinn brennur til kaldra kola.
Gunnar Dan Wiium