Samfélagsmiðlastjarna lést í beinni útsendingu:„Búinn að drekka þrjár flöskur og að byrja á fjórðu“

Samfélagsmiðlastjarna sem kallaði sig Brother Three Thousand fannst látinn stuttu eftir áskorun sem hann tók í beinni útsendingu á TikTok. Raunverulegt nafn hans var Wang Moufeng, hann var einungis 34 ára gamall.
Áskorunin var að drekka sjö flöskur af sterku áfengi en hann var í einskonar keppni við annan áhrifavald. Áfengismagnið í drykknum var á milli 30% og 60% og fannst hann látinn 12 tímum eftir að hann innbyrði áfengið.

„Ég veit ekki nákvæmlega hversu mikið hann drakk en á þeim tíma sem ég fylgdist með var hann búinn að drekka þrjár flöskur og var að byrja á þeirri fjórðu. Þegar fjölskylda hans kom að honum var hann löngu farinn,“ sagði vinur Wang.