Brynjar Níelsson segist vera búinn að finna orsök þess að honum bregði við öllu óvæntu og hvellnu, eins og frægt er orðið.
Hinn umdeildi en grínaktugi aðstoðamaður dómsmálaráðherra skrifaði spaugsama færslu á Facebook í dag þar sem hann segist hafa fundið ástæðuna fyrir því að honum bregði svona illilega við öllu óvæntu og hvellnu. Segir hann kvillann hafa aukist jafnt og þétt og nú sé Soffía eiginkona hans hætt að vilja sjást með honum opinberlega. En hver er orsökin fyrir kvillanum? „Ástæðan er sú að ég er svo hamfarasinnaður og neikvæður, sem veldur streitu og taugaveiklun og brýst út með skjálfta við minnsta áreiti.“
Segir hann lækninn hans hafa um tvennt að velja, annað hvort að hlusta meira á Soffíu og hætta að vinna fyrir dómsmálaráðherrann, eða að taka kröftugt róaandi lyf sem gæti þó minnkað kynorkuna. „Ég spurði nú hvort það væru engin takmörk fyrir því hvað sumt geti minnkað.“
Færsluna má lesa hér að neðan:
„Vísinda-og fræðimenn hafa lagt mikið á sig til að finna orsök þess að mér bregður svona við öllu óvæntu og hvers kyns hljóðum. Þessi kvilli hefur aukist jafnt og þétt að nú er svo komið að Soffía treystir sér ekki til að láta sjá sig með mér á almannafæri. Nú hafa fræðimenn komið með greiningu, sem er sú sama og Soffía taldi líklegust.
Ástæðan er sú að ég er svo hamfarasinnaður og neikvæður, sem veldur streitu og taugaveiklun og brýst út með skjálfta við minnsta áreiti. Læknirinn reyndi að sannfæra mig að jörðin væri ekki bráðna vegna hlýnunar af mannavöldum og það væru ekki allir fífl og asnar sem væru mér ekki sammála. Mér myndi batna ef ég hlustaði meira á Soffíu og ef ég hætti að vinna fyrir þennan dómsmálaráðherra myndi það að öllum líkindum flýta verulega fyrir bata.
Ef mér hugnaðist þetta ekki þá væru til öflug róandi lyf en þeim fylgdi ýmsar aukaverkanir eins og minni kynorka. Ég spurði nú hvort það væru engin takmörk fyrir því hvað sumt geti minnkað.“