Svala Björgvinsdóttir söngdíva er búin að hanna peysur og hettupeysur til styrktar Solaris – hjálparsamtök fyrir hælisleitendur og flóttafólk á Íslandi.
Peysurnar hannaði Svala í samstarfi með Hildu Michelsen og fyrirtæki hennar NOROM. Mannlíf heyrði í söngkonunni, sem tók sér stutta pásu frá upptökum á glænýja efni, til að segja frá peysunum, sem nú eru komnar í sölu.
„Ég er gríðarlega stolt að segja frá því að ég var að hanna Svölu peysur og hettupeysur í samstarfi með Hilda Michelsen og með fyrirtækinu hennar N O R O M og ég er að styðja Solaris – hjálparsamtök fyrir hælisleitendur og flóttafólk á Íslandi. Hver þúsund krónur af hverri seldri peysu rennur beint til Solaris og við vonum að fólk taki sig saman og styðji þetta mikilvæga málefni. Svo eru þetta líka mjög flottar peysur sem er til í öllum stærðum, frá krökkum uppí fullorðna!“
En af hverju Solaris?
„Fjöldi fólks sem undanfarið hefur neyðst til að leggja á flótta og yfirgefa heimkynni sín hefur aldrei verið meiri og er það ein stærsta áskorun í mannúðarstarfi í dag. Margt bendir til þess að flóttafólki muni halda áfram að fjölga verulega samhliða versnandi lífsgæðum og neyðarástands af völdum hamfarahlýnunar ásamt baráttu fólks um lífsgæði og völd. Fjárhagsaðstoð við flóttafólk hefur því aldrei verið jafn mikilvæg þar sem þörf er á fjármagni fyrir mataraðstoð, heilbrigðisaðstoð, lögfræðiaðstoð og húsnæðisaðstoð.“
Hægt er að versla peysurnar á norom.net
https://norom.net/product/
Hægt er að fylgjast með Svölu á instagram
https://www.instagram.com/