- Auglýsing -
Steinunn Ólína Þorsteinsdóttir leik- og sjónvarpskona rifjaði upp bráðsmellið myndband sem hún birti á Facebook árið 2019. Þar má sá Steinunni og Möggu Stínu söngkonu taka karlakórsæfingu.
„Það var að koma fyrirspurn um það og ég ætla bara að bera hana undir þig, hvort að þú værir til í það að við kæmum fram sem karlakór, hefðirðu áhuga á því eða heldurðu að við gætum komið fram sem karlakór?“ sagði Steinunn í upphafi myndbandsins. Magga Stína var hugsi um stund en svaraði svo: „Ég efast ekki um það eina mínútu að við getum það.“
Þær stallsystur byrjuðu svo að syngja hið fallega lag Inga T. Lárussonar við ljóð Jónasar Hallgrímssonar, Ég bið að heilsa, með eins djúpri röddu og þær réðu við. Útkoman er ekkert annað en drepfyndin.