„Fólki var mjög brugðið og gestir í uppnámi,“ segir starfsmaður Park inn í Keflavík sem sá til manns með riffill, gegnt hótelinu, á Vatnsnesvegi. Starfsmaðurinn segist í viðtali við Mannlíf hafa séð manninn greinilega en ekki geta fullyrt um það hvort um hafi vertið að ræða alvöru riffil. Fólki var mjög brugðið en einhverjir náðu myndum af byssumanninnum.
Lögreglan í Reykjanesbæ hefur lokað fjórum götum í Keflavík. Hættuástand er á svæðinu og biður lögreglan fólk um að virða lokanir. „Götur við Vatnsnesveg eru lokaðar á þessari stundu og biðjum við vegfarendur um að virða lokanir. Þær götur sem lokanir hafa áhrif á eru Vatnsnesvegur, Hafnargata, Framnesvegur og Básvegur svo eitthvað sé nefnt,“ segir í tilkynningu frá lögreglu.
Í athugasemd við yfirlýsingu lögreglu á Facebook segir að maður með riffil hafi miðað á bifreiðar.
Vísir hefur eftir Brunavörnum Suðurnesja að lögregla hefði óskað eftir því að sjúkrabíll yrði tiltækur á vettvangi, við Hafnargötu.
Upp úr klukkan 23 var opnað fyrir umferð um göturnar að nýju.