- Auglýsing -
Gísli Þór Guðmundsson umboðsmaður lést í gær, 62ja ára að aldri. Anna Hildur Hildibrandsdóttir eiginkona hans sagði frá andláti manns síns á Facebook. „Gísli kvaddi friðsamlega í svefni í gær eftir að mikið veikt hjarta gaf sig,“ skrifar hún.
Gísli naut virðingar fyrir störf sín og var þekktur sem Gis von Ice. Hann var umboðsmaður margra þekktra íslenskra hljómsveita og tónlistarmanna á borð við Of Monsters and Men, Hatara, Lay Low, For a Minor Reflection og Vök. Hann bjó lengi í London en var nýfluttur aftur heim með eiginkonu sinni. Þau eiga saman tvær dætur.
Gísli var fæddur 11. júní árið 1961. Hann lést 13. júlí.