Sigríður Dögg Auðunsdóttir, fréttamaður á Ríkisútvarpinu og formaður Blaðamannafélags Íslands, svarar í engu alvarlegum ávirðingum Páls Vilhjálmssonar, bloggara og kennara, um að hún hafi skotið undan skatti 25 milljónum króna með útleigu á íbúðum sínum á Airbnb. Páll hefur fjallað um málið í nokkrun pistlum og staðhæfir þar að fréttamaðuirinn hafi fengið að gera sátt um að greiða umrædda upphæð með sekt. Í upphafi nefndi Páll ekki nafn Sigríðar Daggar, að eigin sögn af ótta við málssókn en seinna steig hann skrefið og nafngreinir Sigríði í sérstökum pistli.
Ef um er að ræða uppspuna um skattaundanskot þá er um að ræða alvarlega aðför að mannorði Sigríðar. Ef rétt reynist að hún sé sek er vandséð að henni verði sætt sem formaður Blaðamannafélagsins og fréttamaður Ríkisútvarpsins. Sigríður Dögg hefur stundað harða blaðamennsku og lætur fólk gjarnan ekki komast upp með moðreyk og að svara ekki spurningum. Mannlíf sendi henni lista með spurningum varðandi ásakanirnar þann 7. júlí en níu dögum síðar en hún hefur hún engu svarað …