Flytja þurfti björgunarsveitarmann á sjúkrahús: „Okkar maður velti fjórhjóli“

Björgunarsveitarmaður slasaðist í nótt og gígbarmurinn fyllist af hrauni.

Lítið var að gera hjá lögreglu og björgunarsveitarmönnum í nótt við eldgosið á Reykjanesi en nýverið var tilkynnt um að svæðið yrði lokað almenningi á nóttunni. Það hins vegar slasaðist björgunarsveitarmaður samkvæmt Jóni Þór Víglundssyni, upplýsingafulltrúa Landsbjargar.

„Okkar maður velti fjórhjóli á gönguleið A, sem kölluð er, í S-beygjum,“ sagði Jón Þór í samtali við Vísi og þurfti að kalla til sjúkrabíl til að fara með manninn á sjúkrahús.

Í helstu gosfréttum þá er gígbarmurinn á eldgosinu orðinn mjög fullur af hrauni. „Maður sér á vef­mynda­vél­um að barm­ur­inn er orðinn ansi full­ur. Hann hef­ur verið að byggj­ast svo­lítið vel upp í nótt,“ sagði Minn­ey Sig­urðardótt­ir, nátt­úru­vár­sér­fræðing­ur hjá Veður­stofu Íslands í samtali við mbl.is en virðist hraunrennslið hafa fært sig undir jörðina. 

„Yf­ir­borðið storkn­ar og það mynd­ast rás­ir und­ir þannig að það er bara ósköp venju­legt og ger­ist oft, svo kem­ur fyr­ir að yf­ir­borðið hrynji og þá sérðu hraunið aft­ur, eða ekki.“

Ákveðið var að opna gossvæðið í dag og verður það opið til klukkan 18:00 í dag.