- Auglýsing -
Í gær fékk lögreglan á Vestfjörðum tilkynningu um að skemmdir hefðu verið unnar á nokkrum leiðum í kirkjugarðinum í Bolungarvík.
Í færslu á Facebook-síðu lögreglu segir að minnst þremur legsteinum í kirkjugarðinum hafi verið velt um koll og að einn leiðiskross hafi verið tekinn upp. Óskar lögregla nú eftir upplýsingum frá vitnum.
„Þetta er litið mjög alvarlegum augum og óskar lögreglan eftir upplýsingum frá þeim sem kunna að hafa séð til grunsamlegra mannaferða í eða við kirkjugarðinn síðustu sólarhringana,“ segir í færslunni.