Sjálfstæðismenn hafa verið með böggum hildar eftir að Svandís Svavarsdóttir, ráðherra matvæla og hvala, bannaðí hvalveiðar með einu pennastriki og svipti hundruð manna sumarvinnu sinni. Hótanir um stjórnarslit eða refsiaðgerðir gegn Vinstri grænum hafa streymt fram í stríðum straumum frá þingmönnum Sjálfstæðisflokksins.
Einn sá harðasti í þessu máli var Óli Björn Kárason, þingmaður Sjálfstæðisflokksins, sem skrifaði grein í Moggann eftirt hvalveiðibannið og boðaði, að því er virtist, samstarfsslit ef Svandís sæi sig ekki um hönd. Nú hefur tekist að róa strákinn Óla sem skrifar í dag grein þar sem hann fer mörgum orðum um þann þroska Sjálfstæðismanna að geta staðið í samstarfi við ýmsa ólíkindaflokka. Hafi Óli Björn einhver áhrif og völd í flokknum má ljóst vera að menn hafa sætt sig við aðgerð Svandísar sem hefur tekið Óla Björn á hné sér, unnið stórsigur, og getur hiklaust haldið áfram að beita sér fyrir velferð dýra.
Gárungar segja að næsta verkefni verði að banna veiðar á hreindýrum þar sem misgóðar skyttur eigi það til að særa dýrin og valda þeim óþarfa sársauka. Næsta vor væri síðan tilvalið að banna laxveiðar þar sem sem veiðar ganga út á þá skemmtun að veiða og sleppa fiskunum með tilheyrandi þjáningum. Óli Björn mun þá þurfa kyngja ýmsu öðru en hvölum …