Hjúkrunarheimilið Eir er sakað um vanrækslu á íbúa heimilisins.
Egill Þorfinnsson sakar hjúkunarheimilið Eir um alvarlega vanrækslu í garð móður sinnar en hún býr á heimilinu. Egill er gífurlega ósáttur við þá meðferð sem móður hans er veitt og sakar Egill starfsfólk þar um að lygar, vanrækslu og aðgerðaleysi.
„Búinn að standa í milku streði við stjórnendur á Eir þar sem móðir mín heilabiluð var hætt að bursta í sér tennurnar og almennn munnhirða engin og bara skelfilegt að sjá hvað munnhirðu hennar hrakaði við komuna á Eir. Einu svörin, við megum ekki neyða hana til þess til að bursta í sér tennurnar. En stjórnendur á Eir virtust mega koma móður minni til tannlæknis þar sem dregnar voru úr henni 4 framtennur án samþykkis og vitundar aðstandenda,“ segir Egill meðal annars í pistili sem systir hans setti á Facebook.
Þá segir Dúa, systir Egils, einnig frá því að fjölskyldan hafi þurft að hringja á sjúkrabíl fyrir móður þeirra þar sem starfsfólk hjúkrunarheimilsins hafi ekki gert það.
„Einnig höfum við systkinin sjálf þurft að hringja í sjúkrabíl til að fara með hana á sjúkrahús þegar hún var komin með bullandi lungnabólgu og vatnssöfnun í kringum hjarta. Við eigum margar sögur,“ segir Dúa í lokin á Facebook-færslunni.
Hægt er að lesa alla færsluna hér fyrir neðan