Herbert mætti í óvænta heimsókn í fræga sjoppu í Bolungarvík – Spilaði á Flateyri um kvöldið

Bjarnabúð í Bolungavík fékk óvænta heimsókn í gær en stórsöngvarinn Herbert Guðmundsson kíkti við.

Bæjarins besta segir frá því að Herbert Guðmundsson hafi mætt í óvænta heimsókn í Bjarnabúð í Bolungavík í gær. Þangað kom hann oft á níunda áratugnum en þá bjó hann í Bolungavík. Þar vann hann hjá Íshúsfélagi Bolungavíkur hf sem staðsett var hinum megin götunnar. Þá var Herbert einnig virkur í tónlistarlífi Vestfirðinga en hann var meðal annars meðlimur hljómsveitarinnar Kan á árinunum 1982-84.

Fram kemur í fréttinni að Herbert hafi spilað í Vagninum á Flateyri í gærkvöldi.