Salernisaðstaðan á Hlemmi Mathöll virðist vera mjög léleg ef marka má þráð á Matartips.
Facebook-hópurinn Matartips er hópur ætlaður öllu sem tengist mat og veitingastöðum landsins. Oft má finna líflegar umræður um hina og þessa veitingastaði. Það var einmitt þar sem Fabrikku-málið svokallaða kom fyrst upp. Mest öll umræða á svæðinu er jákvæð og ýmsa fróðleiksmola má finna. Stundum er hins vegar bent á hluti sem mættu fara betur. Þann 6. ágúst setti nafnlaus einstaklingur inn færslu þar sem viðkomandi greindi frá því að salernisaðstaðan á Hlemmi Mathöll væri í ólagi, svo vægt sé til orða tekið.
Samkvæmt þessari færslu þá eru fjórir básar á kvennaklósettinu. Einn þeirra er ekki með lás og hinir virðast ekki í notkun. Á karlaklósettinu eru tveir básir og á þá báða vantar hurð og setur á klósettin. Viðkomandi segir að best sé fyrir fólk að mæta með bleyjur ætli það sér að borða á Hlemmi Mathöll.
Eitt svarið við þessari færslu nefnir að sprautunálar hafi verið svæðinu þegar viðkomandi fór þangað síðast.
„Það lágu sprautunálar útum allt kvennaklósett þegar ég kom þarna í vikunni“