Höldur – Bílaleiga Akureyrar hefur sett ökurita í bíla sem eru til leigu.
Bílaleigan Höldur – Bílaleiga Akureyrar njósnar um viðskiptavini fyrirtækisins með ökurita sem hafa verið settir í bíla bílaleigunnar. Fyrirtæki stillir þessu upp sem öryggismáli frekar en mögulegu broti á persónuverndarlögum. Þetta muni auðvelda þeim að finna bíla og fólk komi eitthvað fyrir.
„Við vorum að lenda í vandræðum áður en þetta var í bílunum, vegna þess að fólk fór út um allt. Eftir að við settum þetta í bílana þá datt það vandamál nánast upp fyrir. Það segir sig sjálft að þegar þú veist að það er tæki í bílnum sem „track-ar“ þig og leigusalinn getur séð hvar bíllinn er þá ferðu ekki að brjóta af þér,“ sagði Steingrímur Birgisson í viðtali við RÚV.
Þá sé hægt að hringja í fólk sem ætli sér upp á hálendi á fólksbílum.
„Við höfum ekki látið reyna á það, við höfum nóg annað að gera. Það eru fá slík tilfelli og við höfum ekki verið að hringja í fólk,“ sagði Steingrímur um málið og tók fram að aðeins vissir starfsmenn hafi aðgang að þessum upplýsingum.
„Þetta er bara kynnt með sama hætti og í langflestum tilfellum í Evrópu. Það sem þarf að gera er að kynna þetta fyrir kúnnanum, hann þarf að samþykkja að tækið sé í bílnum og kvitta undir það.“. Þá gæti það mögulega gerst að viðkomandi geti ekki tekið bíl á leigu ef hann samþykkir ekki að vera ökurita í bílnum