Illugi Jökulsson er brjálaður út í Isavia eftir að fyrirtækið krafðist þess að tré í Öskjuhlíðinni yrðu höggvin niður vegna hættu sem þau skapi fyrir flugumferð.
Fjölmiðlamanninum Illuga Jökulssyni er mikið niður fyrir í nýjustu færslu sinni á Facebook. Þar kallar hann Isafia „ofstopafélag“ og talar um „frekju þessa kompanís“ en fyrirtækið krafðist nýlega að tré sem prýtt hafa Öskjuhlíðina um áratugi, verði höggvin niður vegna hættu sem fyrirtækið segir að þau skapi fyrir flugumferð.
Færsluna má lesa hér að neðan.
„Ofstopafélagið Isavia „krefst þess“ að höggvin verði tré í Öskjuhlíð af því þau skapi hættu fyrir flugumferð. Ég held að Isavia væri nær að krefjast þess að miðborg Reykjavíkur verði höggvin, svo öll þessi asnalegu hús hér skapi ekki hættu fyrir einkaþoturnar. En í alvöru talað — frekja þessa kompanís, sem hagar sér eins og blindfullur grósser, er orðin yfirgengileg. Það þarf að kenna þessu félagi hver á það. Og burt með flugvöllinn í leiðinni.“