Nemanda í Lögregluskólanum var vikið úr skólanum eftir að hafa stundað kynlíf á almannafæri.
DV greindi frá því árið 2004 að nemanda Lögregluskólans hafi verið vikið úr skólanum eftir að hafa þegið munnmök undir borði á Hverfisbarnum. Margir nemendur skólans urðu vitni að athæfinu og var ákveðið á fundi daginn eftir að tilkynna atvikið til skólastjóra Lögregluskólans en töldu sumir nemendur atvikið vera siðlaust.
„Við gerum kröfu til þess að nemendur sýni góða framkomu sem sæmir verðandi lögreglumönnum,“ sagði Arnar Guðmundsson, skólastjóri, í viðtali við DV en vildi ekki tjá sig um mál einstakra nemanda.
Einn samnemandi tjáði sig nafnlaust við DV. „Við erum ein stór fjölskylda og stöndum saman í blíðu sem stríðu,“ en ekki er ljóst í hvaða meiningu nemandinn notar það þar sem hann stóð svo sannarlega ekki með nemandanum sem var rekinn.
DV hafði einnig samband við Rósant Birgisson, skemmtanastjóra Hverfisbarsins. Hann kannaðist við málið og fannst það spaugilegt en sagði: „Það er samt hræðilegt að drengurinn skuli hafa verið rekinn úr skólanum.“