Lögreglan lýsir eftir vitnum að umferðarslysi – Kona mikið slösuð eftir fall af reiðhjóli

Lögreglan á höfuðborgarsvæðinu óskar eftir vitnum að umferðarslysi sem varð í vesturbæ Kópavogs laugardaginn 12. ágúst, en tilkynning um slysið barst kl. 13.41.

Á gangstíg suður af Kópavogstúni, við undirgöng við Hafnarfjarðarveg, féll kona af reiðhjóli og slasaðist mikið. 

Þau sem urðu vitni að slysinu eru vinsamlegast beðin um að hafa samband við lögregluna í síma 444 1000, en einnig má senda upplýsingar i tölvupósti á netfangið [email protected]