Nemandinn sem stakk Ingunni Björnsdóttur og samkennara hennar í Háskólanum í Osló er Norðmaður á þrítugsaldri.
Ingunn Björnsdóttir dósent við Háskólann í Osló varð fyrir fólskulegri árás nemanda skólans en hann réðist á hana og samkennara hennar með tveimur hnífum. Samkennari hennar slapp nokkuð vel í árásinni en Ingunn var á tímabili í lífshættu en svo er ekki lengur.
Talsvert hefur borið á því að Íslendingar velti fyrir sér í athugasemdakerfi fjölmiðla, hverrar trúar og af hvaða þjóðerni árásarmaðurinn sé, meðal annars Pétur Hauksson sem spyr undir frétt Vísis um málið: „Ein spurning, var þessi nemandi af norskum ættstofn?
Eða er það leyndarmál?“
Þessu svarar sonur Ingunnar, Guðmundur F. Magnússon en hann segir manninn vera Norðmann og skammar í raun Pétur fyrir spurninguna.
„Nemandinn er Norðmaður, eins og fram kemur í meðfylgjandi frétt Verdens Gang, rétt eins og maðurinn sem framdi voðaverkin í Noregi 2011. Ekki dettur okkur samt í hug að alhæfa um Norðmenn eða aðrar vestrænar þjóðir. Við skulum líka sleppa því um aðra. Geðræn vandamál spyrja ekki um þjóðerni, trúarbrögð eða þjóðfélagsstöðu. https://www.vg.no/…/voldshendelse-med-kniv-paa…“