Helgi Rúnar fallinn frá – Safnaði milljónum fyrir Krabbameinsfélagið

Helgi Rúnar Bragason, fyrrum þjálfari og leikmaður í körfubolta, er látinn 47 ára að aldri eftir harða baráttu við illvígan sjúkdóm.

Greint var frá andláti Helga á heimasíðu Þórs á Akureyri. Helgi var dáður körfuboltaleikamaður og varð bikarmeistari með Grindavík árið 1998. Helgi lagði skóna á hilluna 26 ára vegna meiðsla. Helgi fór til Akureyrar þar sem hann þjálfaði körfubolta á ýmsum stigum fyrir Þór í tvo áratugi og var framkvæmdarstjóri Íþróttabandalags Akureyrar um tíma.

Helgi var baráttumaður mikill og safnaði tæpum fjórum milljónum fyrir Krabbameinsfélagið á aðeins tveimur árum.

Helgi Rún­ar læt­ur eft­ir sig eig­in­konu, Hildi Ýr Krist­ins­dótt­ur, og dótt­ur þeirra, Kar­en Lind.