Annað andlát á hjúkrunarheimilinu Bergi

Kona sem bjó á hjúkrunarheimilinu Bergi í Bolungarvík lést í gær 19. apríl af völdum COVID-19. Konan var á níræðisaldri. Þetta kemur fram í tilkynningu á vef Heilbrigðisstofnunar Vestfjarða.

Þetta er annað andlátið á Bergi af völdum COVID-19.

Í tilkynningunni segir að heimilið sé enn að langmestu leyti rekið af fólki úr bakvarðasveitum.

Alls hafa tíu látist af völdum COVID-19 hér á landi.

Sjá einnig: Íbúi á hjúkrunarheimilinu Bergi í Bolungarvík lést af völdum COVID-19