Lögregla var kölluð út í gærkvöldi vegna þjófnaðar úr verslun í miðbænum. Ekki kemur fram í dagbók lögreglu hvað þjófurinn hafði á brott með sér eða hvort hann náðist. Í sama hverfi sinnti lögregla útkalli vegna líkamsárásar. Þolandi hlaut minniháttar meiðsli og er málið til rannsóknar hjá lögreglu. Karlmaður var handtekinn í Hlíðunum en sá er gunaður um vopnalagabrot. Málið var afgreitt með vettvangsskýrslu og vopnið haldlagt.
Í Mosfellsbæ elti lögregla uppi karlmann sem hafði ógnað starfsfólki á veitingastað með hnífi í hverfinu. Maðurinn hafði flúið af vettvangi á bíl og þegar lögregla stoppaði hann reyndist hann vera undir áhrifum fíkniefna. Maðurinn gistir í fangageymslu. Þá sinnti lögregla almennu umferðareftirliti og stöðvaði nokkra ökumenn sem voru undir áhrifum vímuefna.