Íslenska karlalandsliðið í knattspyrnu vann Ítalíu 2-0 árið 2004 og þegar leik lauk var skotið á hús Jónu Birnu Harðardóttur.
„Við vorum að standa upp þegar við heyrðum að skot small í rúðunni. Þetta gerðist um leið og leikurinn var flautaður af,“ sagð Jóna Birna, íbúi í Hafnarfirði í samtali við DV árið 2004. „Þetta er hið undarlegasta mál. Kannski hefur einhver verið að fagna leiknum. Við eigum allavegana enga óvini.“
Jóna og maður hennar voru stálheppin en skotið fór aðeins í gegnum ytri rúðu heimilins en hún taldi að um skot úr loftriffli hafi verið að ræða.
„Okkur brá náttúrulega rosalega. Skotið var í beinni línu frá þeim stað þar sem við sátum og horfðum á sjónvarpið. Við vitum ekkert hver þetta var eða hvers vegna. Við urðum ekki vör við neina úti á bílaplani, þar voru bara fjórar litlarstelpur að leika sér,“ sagði Jóna.
„Það er verið að vinna skýrslu um þetta,“ sagði Gísli Þorsteinsson, lögreglufulltrúi í Hafnarfirði, um málið í DV.