Starfsmaður DoorDash náðist á myndavél á þegar hann hrækti á matarpöntun sem hann afhenti heimili í Flórída um helgina. Ógeðfelld hegðun starfsmannsins náðist á dyrabjöllumyndavél húseigandans síðdegis á laugardag. Þar sést maðurinn setja matinn í pokanum niður við útidyr heimilisins. Tók hann því næst mynd til sönnunar á afhendingu á DoorDash appinu og hrækti svo á pokann þrisvar sinnum á meðan hann muldraði eitthvað.
13 ára drengur og móðir hans sem lögðu inn pöntunina sögðu að þeim hafi orðið óglatt við að horfa á atvikið. „Viðbrögð mín voru að ég þurfti að kasta upp,“ sagði unglingurinn, Elias Crisanto, við Local 10. „Þetta er svo ógeðslegt. Ég meina, hver gerir svona?“ Sagði að hann móður sína hafa greitt um 30 dollara fyrir pöntunina og bætt við 3 dollurum í þjórfé. Taldi hann að starfsmaðurinn hafi verið óánægður með upphæðina og því ákveðið að hefna sín með því að hrækja á pöntunina. Crisanto sagðist hafa sent DoorDash upptökuna og beðið um endurgreiðslu sem hann fékk. Þá tjáði fyrirtækið honum að starfsmaðurinn sem átti hlut hefði verið rekinn. Myndbandið má sjá hér að neðan.
View this post on Instagram