Þjóðarbölið einelti er til umræðu í nýjustu dagbókarfærslu Önnu Kristjánsdóttur á Facebook.
Anna Kristjánsdóttir, sem býr í Paradís eða Tenerife eins og aðrir kalla eyjuna, og ritar þaðan dagbókarfærslur á hverjum einasta degi, líkt og alþjóð veit. Í nýjustu færslunni, sem birtist í dag, er henni tíðrætt um einelti. Sagði hún að á barnum í gær hafi talið borist að einelti en vinkona hennar, Ólöf, minntist á að frænka henni hefði orðið fyrir einelti í Varmárskóla í Mosfellsbær en ekki hafi verið tekið á því af hálfu skólastjórnenda. „En ég hljóp þegar í vörn fyrir minn gamla skóla,“ skrifaði Anna og bætti við: „Ég hefði sko verið í skólanum glænýjum veturinn 1962-1963 eftir að hafa verið í Brúarlandsskóla árin á undan og þá var sko ekkert einelti í skólanum og ég kallaði til færustu kennara skólans á þeim tíma eins og Lárus skólastjóra og fullvissaði viðmælendur mína um að það hefði ekki viðgengist einelti í skólanum á þeim árum né síðar.“
Þá minnist Anna á dreng sem kom nýr inn í gagnfræðiskólann í Laugarnesskóla, þar sem Anna nam á sínum tíma. Hafði drengurinn sig lítið í frammi að sögn Önnu en tuttugu árum eftir skyldunámið, árið 1986, var haldið partý þar sem gömlu skólafélagarnir hittust. Drengurinn afþakkaði hins vegar boðið því hann sagðist hafa orðið fyrir einelti í skólanum og hefði ekki áhuga á að hitta samnemendur sína fyrrverandi. Anna segist ekki hafa tekið eftir neinu einelti gagnvart honum en bætir svo við: „Var ég kannski svo heimsk að sjá ekki eineltið eða má túlka einelti á ólíka vegu?“
Anna minnist svo eineltis sem hún varð sjálf fyrir þegar hún kom út sem trans kona. „Ég hefi lent í alvarlegu einelti og útilokun. En það var þó á þeim tíma sem ég var „the only trans in the village“ og það var raunverulegt, en flestir þeir sem beittu mig ofbeldi eða útilokuðu mig á þeim tíma eru vinir mínir í dag. Þeir þurftu ekkert að koma grátandi til mín og biðja mig fyrirgefningar á gjörðum sínum, en þeir sættust við mig og við urðum vinir og ég tók vináttu þeirra fagnandi.“
Færsluna má lesa í heild sinni hér fyrir neðan: