Aldraður Eyjamaður vann tæpar tvær milljónir með tippi

Aldraður stuðningsmaður KFS í Vestmanneyjum vann sér inn tæpar tvær milljónir króna með tippi um helgina.

Eyjar.net segir frá því að 85 ára stuðningsmaður KFS í Vestmannaeyjum hafi fengið 13 rétta á sunnudagsseðilnn í getraunum um helgina og þannig unnið sér inn 1,7 milljónir króna.

Fram kemur í fréttinni að maðurinn tippi vikulega hjá KFS í Vestmannaeyjum en KFS er eitt öflugasta íþróttafélgið í sölu getraunaseðla á landinu. Þá hafa félagsmenn liðsins að auki unnið Getraunadeild getrauna oftar en nokkurt annað félag á landinu og eiga aukreitis nokkra Íslandsmeistaratitla í Getraunadeildinni.