Miklar breytingar eru framundan á þingflokki Samfylkingar eftir næstu kosningar. Skoðanakannanir gefa skýrt til kynna að eftir kosningar muni þingflokkurinn tvöfaldast rúmlega. Í gær var í Orðrómi fjallað um yfirvofandi sigurgöngu Kristrúnar Frostadóttur formanns og félaga hennar. Fullyrt var greininni að Oddný Harðardóttir, oddviti í Suðurkjördæmi, hefði gefið út að hún væri á förum. Þetta er alrangt og eins og hún sagði í smáskilaboðum þá er hún með „fulla starfsorku“ og hyggst taka ákvörðun þegar nær dregur. Færslan hefur verið uppfærð til samræmis við þessa yfirlýsingu. Um þetta er aðeins þetta að segja: „Fyrirgefðu Oddný“.
Leit stendur nú yfir að frambjóðendum sem tryggi flokknum mannauð og breidd eftir næstu kosningar. Meðal þeirra sem taldir eru vera líklegir er Dagur B. Eggertsson borgarstjóri sem á næstunni missir stól sinn og verður formaður borgarráðs þegar Framsóknarmaðurinn Einar Þorsteinsson tekur við keflinu. Dagur á að baki glæstan feril sem stjórnmálamaður og hefur staðið af sér storma og stórsjói þótt deilt sé um árangur hans í fjármálum borgarinnar á síðustu árum …