Páskakveðja Páls til starfsfólks LSH: „Það mæðir mjög mikið á okkur öllum“

Páll Matthíasson forstjóri Landspítalans sendir hér starfsfólki Landspítala kærar þakkir og góða páskakveðju. Páll segir það enga tilviljun að starfsfólk Landspítala hefur farið langt fram úr væntingum bjargfastra aðdáenda á undanförnum vikum.

Undanfarnar vikur hefur starfsfólk Landspítala lyft grettistaki í verkefnum vegna COVID19 og sýnt þar bæði ósérhlífni og útsjónarsemi. Framundan eru strembnar vikur og jafnvel mánuðir.

Kveðjan er myndskreytt með svipmyndum frá COVID19-deildum Landspítala þar sem mikill viðbúnaður er og þunginn í starfseminni umtalsverður.