Starfsmaður Verzlunarskóla Ísland var rekinn úr starfi fyrir að selja hjálpartæki ástarlífsins árið 1986.
Árið 1986 var greint frá því í DV að starfsmaður Verzlunarskóla Íslands hafi verið rekinn fyrir að selja ýmis konar hjálpartæki ástarlífsins. Starfsmaðurinn var ung kona sem starfaði hjá póstverslunni Pan en vakti sú verslun mikla athygli á sínum tíma og var talað um viðamiklar sýningar hafi verið haldnar. Unga konan starfaði við að sýna og kynna hjálpartækin og komust skólastjórnendur Versló að því og var hún í framhaldinu rekin. Þorvaldur Elíasson, þáverandi skólastjóri, sagðist það ekki samræmast kröfum skólans að starfsmenn auglýstu klámvörur. Konunni var gefið val að hætta að selja hjálpartækin eða vera sagt upp störfum hjá skólanum og valdi hún ástartækin fram yfir skólann.
Nemendur skólans voru mjög ósáttir við þetta og fannst óréttlátt að skóli skipti sér af hvað starfsmenn skólans gerðu í frístundum sínum.