- Auglýsing -
Héraðsdómur Reykjaness dæmdi á dögunum unga konu í tveggja mánaða skilorðsbundið fangelsi fyrir þjófnað og fjársvik gagnvart IKEA. Konunni var gefið að sök að hafa stolið úr versluninni munum að andvirði rúmlega 60.000 króna. Í áttunda kærulið var konan sögð hafa blekkt starfsmann á afgreiðslukassa með því að Skipta út strikamerki á svampdýnu. Dýnan átti að kosta 7.600 krónur en hafði konan sett strikamerki af sólhlífartjaldi á dýnuna að verðmæti 2.500 króna. Konan játaði brot sín og krafðist vægustu refsingar en við ákvörðun refsingarinnar var meðal annars litið til þess að hún hafi ekki brotið af sér áður og sýndi hún mikla iðrun á þingfestingardegi.