- Auglýsing -
Karlmaður um þrítugt var í kvöld í Héraðsdómi Reykjaness úrskurðaður í ellefu daga gæsluvarðhald, eða til 17. apríl, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á andláti konu um sextugt, sem fannst látin í heimahúsi í Hafnarfirði síðastliðna nótt. Kemur þetta fram í tilkynningu frá lögreglunni.
Maðurinn var handtekinn á vettvangi.
Karlmaður á sextugsaldri, sem var einnig handtekinn á vettvangi, er laus úr haldi lögreglu.
Ekki er hægt að veita frekari upplýsingar um málið að svo stöddu.
Sjá einnig: Andlát í Hafnarfirði: Sálgæsla boðin fyrir íbúa