- Auglýsing -
Yfirvöld á Gaza hafa nú veitt sundurliðun yfir þá sem farist hafa í loftárásum Ísraelshers.
Af þeim 1.417 sem hafa dáið í árásunum eru 447 börn og 248 konur, samkvæmt heilbrigðisráðuneyti svæðisins. Þá hafa 6.268 manns særst í árásunum síðan á laugardag.
„Heilbrigðiskerfið er byrjað að hrynja,“ segir í yfirlýsingu sem NBC sagði frá. „Fjöldi særðra er meiri en sjúkrahúsin geta ráðið við, jafnvel eftir að þau voru stækkuð og hinir slösuðu fluttir á gangana,“ sagði ráðuneytið.
Meira en 1.300 Ísraelar hafa látist frá því að Al Qassam-bardagasveitirnar réðust á landið.
Fréttin er unnin upp úr frétt Sky News.