- Auglýsing -
Karlmaður lést í gær eftir að eldur kom upp í húsnæði við Funahöfða en þetta kom fram í tilkynningu frá lögreglu í dag. Þrír menn voru fluttir á slysadeild í gær og lést einn þeirra á gjörgæslu nokkru síðar. Hinir tveir mennirnir eru ekki taldir í lífshættu.
„Eldsupptök eru ókunn en rannsókn lögreglu á brunavettvangi stendur yfir.
Tilkynning um eldinn barst kl. 15:14 og hélt fjölmennt lið viðbragðsaðila þegar á staðinn. Slökkvistarf gekk vel og var að mestu lokið innan klukkustundar.
Ekki er hægt að veita nánari upplýsingar að svo stöddu,“ segir meðal annars í tilkynningunni.