Stefán Reynir er látinn

Stefán Reyn­ir Gísla­son kór­stjóri og org­an­isti lést á heim­ili sínu hinn 17. októ­ber síðastliðinn, 68 ára að aldri.

Stefán Reynir fæddist þann 23. október 1954, á Sauðárkróki en ólst upp í Miðhúsum í Akrahreppi í Skagafirði. Var hann sonur hjónanna Guðrúnar Stefánsdóttur og Gísla Jónssonar.

Fyrst stundaði Stefán nám við Tónlistarstkóla Skagafjarðar og seinna við Tónlistarskóla Akureyrar og Tónskóla þjóðkirkjunnar en þaðan lauk hann námi í meðal annars raddþjálfun og kórstjórn. Þá tók han einleikspróf í orgelleik árið 1991.

Stefán var vel þekktur í gegnum kórastarf sitt en hann var stjórnandi Karlakórsins Heimis í Skagafirði í tæp 40 ár. Þá lék hann undir og útsetti lög fyrir Álftagerðisbræður frá upphafi.

Stefán hlaut riddarakross hinnar íslensku fálkaorðu árið 2015, fyrir framlag sitt til tónlistarlífs á landsbyggðinni.

Eft­ir­lif­andi eig­in­kona Stef­áns er Mar­grét S. Guðbrands­dótt­ir. Dæt­ur þeirra eru: Halla Rut, Guðrún, hún lést árið 1978, Berg­lind, eig­inmaður henn­ar er Sig­ur­geir Agn­ars­son, og Sara Katrín, eig­inmaður henn­ar er Hjör­leif­ur Björns­son. Barna­börn­in eru fjög­ur; þau Stefán Rafn, Árni Dag­ur, Hinrik og Guðrún Katrín.

Útför Stef­áns fer fram frá Sauðár­króks­kirkju föstu­dag­inn 27. októ­ber klukk­an 14.

Mbl.is sagði frá andlátinu.

Mannlíf sendir fjölskyldu og vinum Stefáns sínar dýpstu samúðarkveðjur.