Í dag mætti gífurlegur fjöldi til að styðja við konur og kvár.
Sögulegt verkfall kvenna og kvár fór fram í dag en mikill meirihluti kvenna og kvár mætti ekki til vinnu heldur mættu á baráttufundi víðsvegar um landi. Sá fjölmennasti var haldin í miðborg Reykjavíkur og hér fyrir neðan má sjá myndir af verkfallinu og lesa yfirlýsingu skipuleggjenda sem var gefin var út á fundinum.
Yfirlýsingin í heild sinni
„Við krefjumst leiðréttingar á vanmati „svokallaðra“ kvennastarfa!
Að atvinnurekendur hætti að veita sér afslátt á launum kvenna og kvára!
Við krefjumst sértækra aðgerða til þess að leiðrétta kjör þeirra kvenna og kvára sem lægstar tekjur hafa, því engin á að þurfa að lifa við fátækt!
Við krefjumst þess að launamisrétti og mismunun verði útrýmt!
Að konur og kvár geti lifað af launum sínum og fái tækifæri til að þróast í starfi til jafns við karla!
Að fatlaðar konur og kvár hafi tækifæri til atvinnuþátttöku til að geta bætt kjör sín!
Að menntun og hæfni kvenna af erlendum uppruna sé metin að verðleikum!
Að konum og kvárum verði ekki lengur refsað fjárhagslega fyrir þá ólaunuðu umönnunarábyrgð sem þau axla yfir ævina og gjalda fyrir þegar á lífeyrisaldur er komið.
Að gert verði samfélagslegt átak til að útrýma fordómum gegn fólki með fötlun, hinsegin fólki, fólki af erlendum uppruna og öðrum jaðarhópum.
Við krefjumst þess að karlar taki ábyrgð á við konur og kvár!
Taki ábyrgð á ólaunuðum heimilisstörfum og við umönnun fjölskyldumeðlima!
Taki ábyrgð á ólaunaðri þriðju vaktinni!
Við krefjumst þess að konur og kvár séu ekki í fjárhagslegum fjötrum ofbeldismanna!
Að konur og kvár fái stuðning við að byggja upp fjárhagslegt sjálfstæði eftir að hafa lifað af kynbundið fjárhagslegt ofbeldi!
Við krefjumst réttlætis og réttarbóta fyrir þolendur kynferðislegs og kynbundins ofbeldis!
Að ofbeldismenn sæti ábyrgð og kynfrelsi sé virt!
Að konur og kvár njóti öryggis og frelsi frá ofbeldi og áreitni í vinnunni, heima og í almannarými!
Að kynbundnu og kynferðislegu ofbeldi verði útrýmt!
Við krefjumst þess að stjórnmálin geri kröfur Kvennaverkfalls að forgangsmáli! STRAX!
VIÐ KREFJUMST AÐGERÐA OG BREYTINGA! NÚNA!“
